esercizi
/-cì-/
e|ser|ci|zi
[AF]
-
s.m.
il fâ alc, il meti in vore, spec. dilunc dal timp, ancje tant che ativitât professionâl o come pratiche usuâl:
il conseîr comunâl dal Comun dal teritori furlan o chel regjonâl a puedin doprâ la lenghe furlane intal esercizi des lôr funzions (Adrian Cescje, Memoriis di politiche linguistiche)
-
s.m.
il fâ e il tornâ a fâ ats che a coventin par cjapâ sù une capacitât:
l'alenament al consist in esercizi fisic come che si fâs in palestre, plui solevaments di pês e ripetizions des provis che si fasin intune gare (Sara Palluello, Fâ il boscadôr… par sport. Interviste a Michael Del Pin, campion di "timbersport")
Sin. alenament
, ativitât
, esercitazion
, pratiche
-
singul at che al covente par cjapâ sù une cierte capacitât:
mi aleni in pissine cun esercizis di rilassament, respirazion e apnee (Serena Fogolini, La gnove regjine di spade e ven dal Friûl)
-
compit di scuele, dât par fâ fâ pratiche ai students:
intal secont fassicul il student al pues cjatâ la soluzion dai esercizis des 14 unitâts (Matteo Fogale, "Lenghe", un gnûf strument pal insegnament ai adults)
-
spec. tal pl., pratiche di preiere e meditazion, viôt esercizi spirituâl
:
lu cjatà une dì che al leve sù e jù pal seminari, tai esercizis (Antoni Beline, Pre Pitin)
-
s.m.
moviment fisic, ativitât sportive:
o podìn duncje trasformâ lis ativitâts cuotidianis normâls intun rimpin par fâ un pôc di esercizi (Guglielmo Pitzalis, Metiti in moto!)
Sin. alenament
, sport
, moviment
-
s.m.
gjestion di imprese, aziende publiche o privade o sim.:
[il SNS] al à za declarât di volê evitâ […] che al coventedi par fuarce l'esercizi provisori che al taiarès i tancj invistiments necessaris (Tjaša Gruden, Adria Airways, e falìs la compagnie aerie slovene)
Sin. conduzion
, gjestion
-
[TS]
reson.
il timp, in gjenar di un an, de ativitât aministrative o produtive periodichis di une aziende:
il valôr medi cjamât par ogni azion al inizi dal esercizi finanziari al jere di 1,2892 (Walter Tomada, Mediocredito, l’ultin regâl furlan a Rome);
un util di esercizi a fin 2013 di 833.033 euros (David Zanirato, La Cjargne che e resist)
-
s.m.
[CO, TS]
cum.
viôt esercizi public
:
Carlin une dì al le jù a cirîlu a Udin, tal solit cafè: «Al è tant timp che no si viôt l'inzegnîr Luccio culì» i disè il paron dal esercizi (Pieri Menis, Chei di Muraie)