epigrafe
/-ì-/
e|pi|gra|fe
[CO]
-
s.f.
test, in gjenar avonde curt, ancje poetic, scrit su tombis, monuments, edificis e v.i., par memoreâ cdn. o alc:
dovevin completâ chel monument di Vitorio che al à un clap di base sence nuie, nût afat, e nancje no i àn mitût lis epigrafis (Vincenzo Luccardi, Florean dal Palaç, I, 46);
mi soi fermât un moment denant de tombe di Mazzini là che e je cheste epigrafe: “L'esule smorto [...]” (Vico Bressan, Cîl e aghe)
Cfr. scrite
, iscrizion
-
s.f.
[CO, TS]
archeol.
scrite antighe fate tun materiâl dûr che si è conservade e che e pues jessi studiade:
cualchidun di chescj toponims a son ricuardâts tes fonts antighis (Livi, Plini, Tolomeu, Strabon, i agjiografs, i Itineraria, lis epigrafis e v.i.) (Fabian Ros, Vidunum - Udin)
