embleme
/-blè-/
em|ble|me
[CO]
-
s.m.
figure simboliche, ancje doprade tant che insegne di une persone, di une famee, di un grup, di une comunitât, di une istituzion e v.i.:
el leon cu lis alis, embleme di Vignesie, che al ten fra lis çatis el libri viart a lis peraulis: Pax tibi Marce evangelista meus (Arturo Feruglio, Viaç a Vignesie)
Cfr. steme
, simbul
-
s.m.
(fig.)
ce o cui che al è la rapresentazion perfete di alc:
i cimitieris a son chei des vitimis de Grande Vuere, embleme e simbul de retoriche nazionaliste (Dree Valcic, “Prime i talians”. Disgracie pai furlans)
Cfr. steme
, simbul
, bandiere
Proverbis:
- il sium al è l'embleme de muart
