disponibilitât
dis|po|ni|bi|li|tât
[AF]
-
s.f.
pussibilitât di jessi cjatât, doprât, comprât e v.i.:
Vile Manin di Passarian al è il puest ideâl par une Academie di Bielis arts [...] (cun facilitât di colegaments feroviaris e stradâi e cuntune disponibilitât sproposetade di spazis) (Luche Nazzi, Une Academie pe Patrie);
[sostignibilitât] al vûl sodisfâ i bisugns di vuê sigurant la disponibilitât des risorsis aes gjenerazions che a vignaran (Erika Adami, Art, design e tecnologjie che a nassin dal ricicli)
-
facoltât di doprâ alc:
dispès, chestis servitûts [militârs] a vignivin a colâ su zonis di fuart interès ambientâl: dongje di gjavâlis de disponibilitât publiche al jere il pericul di fiscâlis di plante fûr (Max Mauro, Un Friûl difarent: i 90 mhz di Onde Furlane)
-
cuantitât di bêçs che si à e che si puedin spindi:
il cost dal progjet (stimât in 400 milions) al risulte però masse alt pes disponibilitâts de Regjon Friûl-Vignesie Julie (Stefania Garlatti Costa, Cimpel-Glemone. La storie dal progjet)
-
s.f.
il jessi pront a acetâ o a fâ alc:
bêçs in Europe a son, e la disponibilitât tal invistî e je (Francesc Placerean, Nadâl nus fâs capî che la storie e je plui profonde e biele di chel che e somee);
e je vignude fûr la disponibilitât dal Comun di Glemone di tacâ i lavôrs volontaris e che al coventave un tutôr (Igor Londero, Un blanc e un neri)
-
s.f.
buine disposizion a acetâ, scoltâ, judâ chei altris:
int che e à savût meti in mostre lis sôs capacitâts, il biel e il bon dal so caratar, la sô inteligjence, la disponibilitât (Roberto Ongaro, Cretevierte);
mi plaseve soredut la disponibilitât di Iskander; forsit, dentri di lui, al rideve des teoriis di Franziskus, ma di istès i deve reson (Checo Tam, Don Franziskus e Iskander)
Sin. cordialitât
, cortesie
, zentilece