discartossâ
dis|car|to|ssâ
[CO]
-
v.tr.
[CO, TS]
agr.
(ancje ass.)
gjavâ il scartòs, il scus, lis fueis des panolis:
la sere ta la arie o in cjase, lis frutatis vivarosis e i umign a discartossavin cjantant vieris vilotis di amôr e di dolôr (Dino Virgili, La aghe da pît la cleve);
sô mari i tontonave saldo che si fasès indenant cun cualchi frutate, che al les se no altri a discartossâ panolis in cualchi arie, par tacâ a discori cun cualchi pulzete (Nin dai Nadâi, Amôrs)
Sin. scartossâ
, disfueâ
, disflocjâ
, sflocjâ
, disclofâ
, scorobussâ
, discurubussâ
, scusupâ
, scussâ
Var. discartoçâ
-
v.tr.
[BF]
gjavâ di un scartòs, di une cjarte che e involuce, di un sacut di cjarte e v.i.
