difese
/-fé-/
di|fe|se
[FO]
-
s.f.
ativitât indreçade a stâ o a fâ stâ sul sigûr rispiet a pericui, menacis, atacs e v.i.:
Cavedalis, che al jere dispès presint tal fuart, al si rindè cont che la difese e jere aromai impussibile e partant al de l'ordin di evacuâlu (27 di Mai) e al fo lui stes a direzi la operazion (Giovanni Pillinini, Zuan Batiste Cavedalis - Une vite esemplâr)
Sin. protezion
-
s.f.
ativitât indreçade a mantignî in buinis cundizions ancje rispiet a efiets contraris o situazions dificilis che a puedin derivâ no dome di une menace volontarie:
un mieç di informazion che su cualchi cuistion - in primis la difese de lenghe furlane e la autonomie regjonâl, ma ancje la cuistion ambientâl e chê de difese dai dirits umans in sens gjenerâl - al à un ategjament militant cence sierâ fûr de puarte altris tematichis (Max Mauro, Un Friûl difarent: i 90 mhz di Onde Furlane);
la difese de salût sul puest di vore (Francesco Micelli, La emigrazion dal Friûl - Vignesie Julie te Belgjiche)
Sin. tutele
, protezion
, pupilance
-
s.f.
struture che e covente par mantignî la sigurece e il control:
Cuâts e Marcomans […] si vevin viert une vie tal mieç des difesis dal confin danubian, a son rivâts fintremai tes regjons adriatichis, assediant Aquilee e sdrumant Opitergium (Mirta Faleschini, Stefano Magnani, Aldo Candussio, Gaetano Vinciguerra, Protostorie e storie romane in Friûl)
Sin. protezion
, fortificazion
-
s.f.
(ancje fig.)
ce che al covente o ce che si fâs par fâ cuintri a alc di negatîf:
l'amôr al jere plui fuart di dutis lis sôs difesis e lis sôs fuarcis (Carlo Sgorlon, Il dolfin)
Sin. bariere
, mûr
, protezion
, ripâr
-
s.f.
[CO, TS]
med.
tal pl., protezion dal organisim cuintri agjents esternis
-
s.f.
[CO, TS]
dir.
avocat o grup di avocats che a àn l'ufici di difindi un imputât:
la difese e interoghe il testemoni
-
s.f.
[CO]
discors o azion fate par justificâ la reson di alc o di cdn.:
o vin sintût chê altre sere un deputât democristian de Costituente a fâ la difese, in comizi, di cheste Costituzion (Josef Marchet, …come che e diseve la gjate di Aquilee)
-
s.f.
sport
ativitât fate par impedî al aversari di fâ ponts:
sierâsi in difese e provâ a fâ gol di cuintripît
-
repart di zuiadôrs che a àn la funzion di impedî ai aversari di fâ ponts:
o preavi pe vitorie de Sampdorie e une dì, il Signôr, dal alt dai cîi, mi veve esaudît. In zone Cesarini, la biele Dorie dai cjalcins a riis blancs e celescj e veve butât dentri un golasso a VeronÆ! La difese dal Hellas K.O.! (Checo Tam, Subbuteo)
-
s.f.
zûcs
tal zûc dai scacs, tecniche des pedinis neris doprade par inviâ la partide
-
te strategjie dal zûc, complès di mossis par rinfuarcî i ponts debii o par fâ cuintri al aversari
-
s.f.
erald.
dint dal elefant o dal cenglâr
-
s.f.
[CO, TS]
ancje maiusc., viôt ministeri de difese