Dizionari de Lenghe Furlane

di sbrisson    [CO]

1. loc.av. sbrissant, pierdint aderence, control, ecuilibri:  [...] dôs rampis di scjalis, che, dopo, tal lâ jù, lis à fatis dutis di sbrisson e al è stât un miracul che nol si sedi fracassadis lis gjambis (Pieri Somede dai Marcs, La comedie dal mus)
   Sin. di sbris
2. loc.av., loc.adi.inv. in maniere svelte, cence fermâsi o fermantsi une vore pôc
   Sin. di sbris , di sfrôs , di corse
   
   1. in maniere svelte, soredut par câs o di scuindon:  finalmenti e ven chê zornade che capite a Vignesie ancje la siore, cussì di sbrisson, cu la sô governante, e rivin dutis dôs a mieze matine in palaç a fâi une improvisade (Giovanni Gortani, Gjats spiritâts); a spietavin di fâ a mache cualchi zîr [di gjostre] montant di sbrisson cuant che il paron no ju viodeve (Pieri Somede dai Marcs, La cavalarice)
   2. motivant alc in maniere svelte, cence detaiâ tant e cence che al sedi l'argoment principâl
3. loc.av., loc.adi.inv. in maniere o in posizion laterâl, margjinâl, periferiche
4. loc.av., loc.adi.inv. cuntune posizion, direzion o cuntun moviment trasversâl o diagonâl

Components:

• sbrisson s.m.