Dizionari de Lenghe Furlane

dâsi la man    [CO]

1. loc.v. strenzisi la man drete un cun chel altri, par saludâsi o par fâ la pâs o par sierâ un afâr:  «Ma jo ti straten» dissal, «e tu tu âs premure di lâ». […] Si derin la man e a lerin jù (Carlo Sgorlon, Prime di sere); "Duncje frutats daitsi la man e di cumò indenant imparait a volêsi ben e a capîsi un cun l'altri" (Costantino Smaniotto, Co l'amôr al cimie); [il sensâr] ju tirave dongje par che a rivassin a dâsi la man e fâ l'afâr (Dino Virgili, La aghe da pît la cleve)
2. loc.v. jessi in buine armonie e judâsi:  indulà isal chest scûr? Scûr al è in Spagne, in Portugal, in cualchi republicute da la Americhe meridionâl, dulà che centralisim e ditature si dan la man (Josef Marchet, Trê salts tal scûr: costituzion - republiche - autonomie)
   Sin. lâ parie

Components:

• dâsi v.pron.tr., v.pron.intr.
• man s.f.