Dizionari de Lenghe Furlane

dâ un non    [CO]

1. loc.v. individuâ e definî ben un concet, une realtât, un alc:  alore le siarà la pôre: une pôre di no podê dâi un non, une concretece, ma che e taiave il respîr (Gianni Gregoricchio, Trê feminis); la nestre anime e à sêt di veretât, di libertât, di afiet, di dignitât, di comprension, di perdon. E à sêt di Diu ancje se no sa dâi un non a di cheste sêt (Antoni Beline, Sant Jacum, là che al finìs il mont)
   
   1. individuâ, identificâ cdn.:  ancje dant par sigûr che il sassin al ves doprât la vie de nape par scjampâ fûr di chê cjase, lassant puarte e barcons ben sierâts par dentri, al restave il probleme di dâi un non (Roberto Ongaro, Cretevierte)
2. loc.v. di un om, maridâ une femine e duncje passâi, daûr dal costum di une volte, il cognon:  "[…] vâstu vadì a domandâi a chê fantate di deventâ la tô mantignude o di deventâ la tô spose? Intindistu di disonorâle o di dâi un non, un marît e une famee?" (Roberto Ongaro, Cretevierte)

Components:

• dâ v.tr., v.intr.
• non¹ s.m.