Dizionari de Lenghe Furlane

dâ la volte    [CO]

1. loc.v. cjapâ il puest di cdn. o di alc intune funzion, intune ativitât e v.i.:  no si po lassâ sole la malade, e Rose no po stâ sù dute la gnot, o visarai mê cusine che à pratiche di malâts che vegni a dâi la volte a Rose (Pieri Somede dai Marcs, Vilie di Nadâl (teatri))
   Sin. dâ il cambi , dâ la mude
2. loc.v. rivâ a passâ, a lassâsi daûr une situazion problematiche:  Pieri nol sarès rivât adore a frontâ ducj chei impegns, a dâi la volte ai debits (Lucio Perès, Il mâl dal mûr); il matrimoni di Mariute cun Bepo, fat subit, i darà la volte aes vôs che e corin… (Ercole Carletti, Mariute)
3. loc.v. dal vin, lâ di mâl

Components:

• dâ v.tr., v.intr.
• volte s.f.