Dizionari de Lenghe Furlane

dâ la idee    [CO]

1. loc.v. fâ vignî tal cjâf a cdn. une idee che po e devente un progjet, une azion, un alc di plui impegnât:  o ai dit a Comin che in Comission ur dedi la idee par che a sielzedin un che al trate aspiets di economie tai teritoris des minorancis (Adrian Cescje, Memoriis di politiche linguistiche)
2. loc.v. dâ une cierte impression:  su la muse dal zovin a davin la idee di legre furbetât (Gianni Gregoricchio, Îr e doman); "Morôs" e je une peraule masse grande, mi da la idee di une robe tant serie (AAVV, Sul florî)
3. loc.v. fâ capî in mût clâr e svelt:  il concet di svuacet al da la idee di ce che a àn tal cjâf pal Friûl (Dree Valcic, Triest al met in taule il svuacet furlan)

Components:

• dâ v.tr., v.intr.
• idee s.f.