Dizionari de Lenghe Furlane

dâ la ghenghe    [CO]

1. loc.v. inviâ o compagnâ une cjante o une musiche cuntun ciert ritmi e cuntune cierte intonazion:  e je Cunize, vistude in mascare, che e cjante e che e bale intun trop di int, siorie. E Jop i da la ghenghe (Alviero Negro, Strumîrs e Çambarlans); cualchidun al da la ghenghe a cjantâ «Marina-Marina» (Alviero Negro, La cjase)
2. loc.v. (fig.) inviâ un discors, une conversazion, ancje stuzigant:  a chest pont il barbîr nol covente che al tegni sù il discors lui: baste dâ la ghenghe al aventôr. Anzit, massime se al è cualchi altri client, il discors al va indenant di bessôl parcè che ognun al ten bot (Lucio Perès, Dal barbîr)
3. loc.v. (fig.) stuzigâ, cjoli vie:  « Eh, za [...] al è il câs di dîlu cui timps che a van vie» «Al è propit il câs...!» i de la ghenghe daûr il Franchin (Alviero Negro, Un purcit pa la Storie)

Components:

• dâ v.tr., v.intr.
• ghenghe¹ s.f.