Dizionari de Lenghe Furlane

cuaresimâl  cua|re|si|mâl  [CO]

1. adi. de cuaresime, dal timp di cuarante dîs che al ven prime de setemane di Pasche:  lu dizun cuaresimâl (Toni Broili, Academie des massariis)
   
   1. che al à i caratars de cuaresime, di dizun, astinence, rinunzie e v.i.:  dut a l'an a l'è di magri / dut a l'an cuaresimâl, / ma sperìn che la cucagna, / tornarà vegnint a svual (Meni Nemo, Joiba grassa)
2. s.m. predicje o schirie di predicjis dal timp di cuaresime, che si centrin soredut sui argoments de rinunzie, dal sacrifici, dal rigôr morâl:  lait in glesie a sintî il cuaresimâl / par parâ jù i pecjâts del carnovâl (Guido Podrecca, La strie par l'an 1888)
3. s.m. (fig.) discors che al critiche e al riclame a un compuartament just, morâl:  "E, invezit, [la vuere] le vin dentri di nô… come une rabie salvadie, piês de peste, un cancar che nus mangje il cûr…, co no si è bogns di rispietâsi l'un cul altri… e di ridi insieme…!" "Âstu di stâ a fânus il cuaresimâl, cumò, prime che o ledin a cjapâ la cinise, Cunize?" (Alviero Negro, Strumîrs e Çambarlans)
   Sin. sermon , predicje , morâl¹