cualunche
/-ùn-/
cua|lun|che
[AF]
-
adi.indef.inv.
che nol à carateristichis specifichis o che no si vûl o che nol covente pandi nissune sô carateristiche specifiche:
al cricave dì che ducj i Clevis a jerin in pîts come une dì cualunche (Dino Virgili, La aghe da pît la cleve)
Sin. ogni
, cualsisei
Var. cuanlunchi
, cualuncui
-
ancje con valôr di lizêr dispresi, che nol à nissune carateristiche positive che si fasi notâ:
"Stupit tu mi âs dite." "No tu meritis altri no. Lâ daûr di chestis fotis come un pipinot cualunche." (Bruno Paolo Pellarini, L'anel striât)
Sin. cualsisei
-
pron.indef.
persone no ben definide, che cu la sô indeterminatece e pues jessi rapresentative di ogni persone di un grup, di un puest o in gjenerâl:
o soi bon di fevelâ clâr e sclet cun cualunche, grant o piçul che al sei, siôr o puar, zovin o vieli, bon o trist (Josef Marchet, Lis predicjis dal muini)
Sin. ognidun
, cualsisei
Proverbis:
- ultin di carnevâl al po fâlu cualunche basoâl