Dizionari de Lenghe Furlane

crudece  /-dè-/  cru|de|ce  [CO]

1. s.f. [BF] il jessi crût, cualitât di ce che al è crût, che nol è cuet
   Sin. cruditât
   
   1. savôr o carateristiche di ce che nol è madûr:  il vin piart la crudeça e bon si fâs (Zuan Josef Busiç, La Gjeorgjica di Virgjili)
2. s.f. [CO] (fig.) il jessi dûr, dificil, negatîf, trist, frêt e v.i.:  si jere di Unvier. Ma la crudece di cheste stagjon di muart e jere marcade e vivude ancje su la muse e tal cûr de int (Antoni Beline, Pre Josef e la Patrie. Une rose fluride in plen Unvier)
   Sin. cruditât , crût
   
   1. mancjance di dûl, di umanitât, di gjenerositât, di delicatece:  la int e jere come sberlufide, che la justizie, une volte deventade concrete, si imparès cun dute la sô tremende crudece (Gianni Gregoricchio, La clape)
      Sin. cruditât , crudeltât , cagnetât