covertorie
/-tò-/
co|ver|to|ri|e
[CO]
-
s.f.
toc plac di metal, o in câs di altri materiâl, che si pues meti e gjavâ par taponâ o distaponâ citis, pignatis, contignidôrs e v.i.:
si fermà invece un lampin parmìs il fogolâr e al tirà jù la covertorie par cucâ ce che a vevin te cite (Catarine Percude, Il voli del Signôr)
Sin. tapon
, cuviercli
, cuvierti
Var. cravatorie
, cavartorie
, cuviertorie
-
s.f.
[CO, TS]
mus.
(pop.)
ognidun dai doi elements di metal, di forme coniche une vore slargjade, che si sunin batintju un cuintri di chel altri:
e vuelin compagnâle siôrs e sioris / al son des covertoriis / e sbârs di mortalets (Pieri Çorut, Il cjampanîl provisori);
al è dut ingrumât sul strument che al mande notis di ligrie. Come cuant che al bat lis covertoriis te bande di Madone, a timp, sfilant in purcission denant de glesie (Nadia Pauluzzo, Insumiâmi di Buie)
-
s.f.
(fig.)
ce che al cuvierç, che al tapone, che al scuint:
al impuarte che il non de "patrie" al servissi di covertorie aes plui socis manovris (Josef Marchet, Il manarin tal cûr)
