consolâsi
con|so|lâ|si
[AF]
-
v.pron.intr.
dâsi solêf psicologjic par fâ cuintri a un displasê:
par cirî di consolâsi [di un fi pierdût in vuere] si ustinave a ripeti che: "…intal mâl o soi stade fortunade, che almancul doi, su trê, mi son tornâts. " (Gianni Gregoricchio, Trê feminis);
"Ti tocje spudâ dolç cu la bocje mare", mi disevi e mi consolavi savint che o sarès stât ricompensât (Alan Brusini, Gian Paolo Linda, I forescj);
Jacum par consolâsi e tirâsi un pôc sù dal displasê, al scugnì bevi un doi mieçs di neri (Angelo Covazzi, Al funerâl);
e jo o cjanti, cjanti, cjanti / e no sai biel sôl parcè / e jo o cjanti solamentri / che par consolâmi me (Popolâr, E jo o cjanti)
Sin. ricreâsi
, tirâsi sù
, confuartâsi
-
v.pron.tr.
dâ confuart a une part di se stes:
nol covente che cumò mi consoli el cûr (Arturo Feruglio, Viaç a Vignesie)
-
v.pron.intr.
vê un grant plasê psicologjic o fisic:
"Oh buine sere, sioriis! Àno fat bon viaç? O mi consoli; che a jentrin, che a jentrin […]" (Luigi Gortani, La ospitalitât);
lis feminis si cjatavin insiemi sot il puarti che vie pal Istât al menave un respîr di bavesele di consolâsi (Dino Virgili, La aghe da pît la cleve)
Sin. vê plasê
, gjoldi
, jessi content
, indalegrâsi
-
pandi plasê e amirazion a cdn.:
"Siore Line, le saludi. Mi consoli cun jê e i fâs di cûr i miei auguris." (Ercole Carletti, L'amôr vieri)
Sin. indalegrâsi
, complimentâsi
, congratulâsi
-
v.pron.intr.
(eufem.)
vê une relazion sessuâl:
menile in cjamare e consoliti cun jê (Luigi Gortani, Il matescul di Cjabie);
la Margarite, muîr di chel puar beât di Beput che, la volte che al sudorave su la fornâs in Carintie, a 'nt consolave e si consolave cun cuatri di lôr (Meni Ucel, Pensâ mâl)
Proverbis:
- par consolâsi baste cjalâsi indaûr