confinâ
con|fi|nâ
[CO]
-
v.intr.
vê un confin, une linie di contat cun alc altri:
l'Afghanistan al è un stât asiatic di 652 mil chilometris cuadrâts […] che al confine cun Iran, Pakistan, Tazikistan, Turkmenistan, Uzbekistan e Cine (Carli Pup, Afghanistan martoriât);
di là de filiade, tal stric di ort che al confinave cul so, sô cugnade Ghine e plantave raclis tes vuaìnis e e faseve fente di no viodile (Maria Forte, Varc di confin)
-
(fig.)
jessi une vore dongje, tacât, vê un contat cun alc altri, ancje dal pont di viste simbolic, ideâl e v.i.:
dedicâsi a une culture e a une lenghe come la nestre al devente un at che al confine cu la fede (Antoni Beline, Furlans pe Patrie)
-
v.tr.
obleâ cdn. a vivi intun spazi limitât, tant che proviodiment punitîf o preventîf:
al mertave confinât a Sant Svualt ma di bessôl, par no torturâ chei puars malâts cence colpe (Antoni Beline, La fabriche dai predis)
Sin. sierâ
Cfr. limitâ
-
(fig.)
limitâ dentri di un spazi o ancje dentri di un setôr, di une categorie, di un cjamp ideâl, di une aplicazion e v.i.:
la convinzion di elevâ il furlan a lenghe utile par fevelâ di cualsisedi argoment, e no dome di confinâlu in cjase (Venusia Dominici, Il Friûl che anzit)