Dizionari de Lenghe Furlane

cole¹  /cò-/  co|le  [CO]

1. s.f. sostance che di une consistence licuide o tenare si indurìs tacant i tocs dulà che e ven dade sù e che a vegnin metûts a contat:  [te buteghe dal marangon] intune grande stue di ghise, al cjantave un fûc di strissulis e di breis. Parsore al jere in cjalt il pignat de cole (Carlo Sgorlon, Prime di sere); il bidon de cole, fate cu la farine par picjâ sù i manifescj (Cristina Noacco, Faliscjis)
2. s.f. (fig.) ce che al fâs stâ dongje:  la lenghe furlane e varà di tornâ a jessi la cole tra cui che al è tornât e cui che al vîf fûr de nestre Patrie (Daniele Martina, La Clape si ristruture)
3. s.f. sostance, in gjenar di aghe e amit, che si dâ sù su ciertis parts dai vistîts e che ju indurìs:  a judavin a preparâ la cole, il fier di sopressâ, lis curdelis, lis gusielis cu la glagne di fîl par tacâ a pît de cotule il galon di fîl di arint (Pieri Somede dai Marcs, La Madone dai siet dolôrs)
   Sin. amit¹ , stuc