Dizionari de Lenghe Furlane

stuc  stuc  [CO, TS]

1. s.m. artes., art impast fat di cjalcine, polvar di marmul, savalon fin e caseine doprât inte edilizie par fâ superficiis slissis, sculturis, decorazions, justaduris e v.i.:  parsore l'arc che o vin descrit, simpri di stuc […] o cjatìn sîs figuris di femine (Bepi Agostinis, Storie de art in Friûl)
   
   1. impast fat ancje di altris materiâi, cun funzions plui o mancul de stesse sorte o par stropâ busis, judâ tocs a cometisi e v.i.:  al intivà une panarie di cjariesâr […] dopo vêle lavade ben e no mâl, e stropât lis busis dai carûi cul stuc, le slicà cu la cjarte di veri e i de di lustrifin (Carlo Sgorlon, Prime di sere)
2. s.m. rilêf, ornament o element fat cun chel materiâl:  i curnisons, i stucs, i sofits, lis paradanis ur colavin intor (Alan Brusini, Par stradis lungjis)
3. s.m. vet. malatie dai cavalîrs causade di un fonc parasit che al puarte ae muart de larve:  il stuc, lis vacjis e cualchi altri malan / no capitaran mai, se il cavalîr l'è san (Anonim, Il Strolic furlan pal 1942)

Polirematichis e espressions idiomatichis

• restâ di stuc loc.v.

Proverbis:

• stuc e piture fâs biele figure