co
co
[FO]
-
coniun.
par introdusi proposizion temporâl, tal moment che:
al è biel il mont co si è zovins e si po vivi cemût che la etât e domande (Alan Brusini, Par stradis lungjis);
il nodâr al jere sot dal clip des coltris co une grande scampanelade lu fâs di colp jevâ sù in senton (Pieri Somede dai Marcs, Dure leç);
lassait stâ, gracie, co si cjatarìn a Udin mi paiarês invezit un cafè (Pieri Somede dai Marcs, Robis che a sucedin)
Sin. cuant che
-
coniun.
al pues introdusi ancje une proposizion condizionâl:
co a vegnin condanâts chei che, cence savê e cence volê a àn vude la disgracie di copâ, par distrazion, o inceâts o sbrissâts, cemût mai vegnino invezit colmenâts di medaiis chei de vuere, che a àn copât cun plene volontât e cun premeditazion e preparazion! (Riedo Pup, Un om indaûr);
nol baste fâ e publicâ studis e cirî fûr documents e cuistionâ su la lidrîs des peraulis e su la morfologjie e su lis leçs dal discori furlan, co la int no cjol e no lei robe furlane, parcè che no sa lei furlan, parcè che e fâs masse fature (Josef Marchet, Dome un rimiedi par salvâ il furlan: insegnâlu tes scuelis)
Sin. cuant che
, se1
-
coniun.
al pues vê insiemi sedi valôr condizionâl che causâl:
Ursule no à mai glanzît une medisine in vite sô: ni di frute, ni di vecje. «Co si po murî a gratis - e diseve - parcè lâ a spindi bêçs!» (Riedo Pup, I furlans e lis medisinis)
Sin. cuant che
, stant che
, dal moment che
, viodût che
-
coniun.
al pues introdusi ancje esclamazions che a puedin pandi une conclusion logjiche, un displasê, rassegnazion, fastidi e v.i., ancje in mût ironic:
i furlans - si sa - a son stâts a vore in dutis lis parts dal mont; a àn cognossût int di ogni raze e a àn scugnût adatâsi a ambients di ogni fate e a usancis di ogni sorte. Co si scuen! (Riedo Pup, I furlans e la ostarie);
cjalantsi il ritrat dal muartisin che di vîf nol jere mai stât fotografât, «cjale chel frut» e diseve pensant al flum che al coreve li ret, «co si dîs il destin!» (Alan Brusini, Come tai romançs);
mê mari no crodeve (co si è bogns! …) che une femine e rivàs a un tant (Lucio Perès, La strie)
Polirematichis e espressions idiomatichis