cjaliç
/-à-/
cja|liç
[CO]
-
s.m.
sorte di tace di forme elegante e slançade che si ten sù suntune gjambe fine e suntune base:
il vin al è za pront in cjaliçs za plens (Checo Tam, Mosaic di gjernaziis);
[Bertrant] al à volût consacrâ il nestri domo ai 2 di Avost dal 1338, regalant a la nestre Glesie il cjaliç, lis ampolis e la navisele di arint (Antoni Beline, Une piçule storie inte grande storie)
Var. cjalis
Cfr. muzûl
, pecar
, tace
, cope1
-
(fig.)
cun riferiment aes peraulis di Crist tal Vanzeli, esperience che si à di frontâ e passâ, ancje se e je plene di dolôr:
[il cristian] al pues e al à di domandâ invezit la gracie e la fuarce di rivâ a bevi il cjaliç de vite fin tal ultin, soredut cuant che tu varessis dutis lis resons par butâlu lontan (Antoni Beline, Sant Jacum, là che al finìs il mont)
