ciul
/-ì-/
ciul / ci|ul
[CO]
-
s.m.
sun fuart fat cu la vôs, sedi cun peraulis ditis a fuart sedi dome di esclamazion:
propri in chel moment al scomence a sintî ciui e berlis jù pe strade (Giovanni Gortani, La paùre - Une gnot intun segrât);
il zovin al petà un ciul, deventant palit e muardintsi i lavris, po si inrabià (Amedeo Giacomini, Tal ospedâl)
Sin. berghelade
, berghelon
, berlade
, craç
, scriul
, scriulade
, urle
, urli
, zigo
, zigon
, vosade
, ciulade
, ciûl
, zigade
Cfr. vuic
, vuicade
-
(fig.)
sun fuart fat ancje di bestiis o di robis o elements che no àn vôs:
tal viarzisi il rescjel al deve un ciul / che al pareve il lament di un puar ferît (Enrico Fruch, Cimiteri di vuere)
-
s.m.
[BF, TS]
ornit.com.
uciel de famee dai Laridis, cun cjâf e cuarp scûrs e alis e code blancjis o scuasi blancjis, lat. sient. Chlidonias leucopterus
Sin. ciule blancje