canavace
/-và-/
ca|na|va|ce
[CO]
-
s.f.
toc di tiessût, doprât soredut par netâ, suiâ, cjapâ robis cjaldis o sporcjis cence scotâsi o sporcjâsi e v.i.:
l’ustîr, al va indevant e indaûr indafarât, cuntune canavace blancje intor de panze (Guido Michelutti, I siums di 'Sefut)
Sin. peçot
Var. canevace
-
retangul di tiessût par suiâsi:
sentât in cusine a sbolseâ cul cjâf sot la canavace dai fuments di malvis (Alan Brusini, Come tai romançs)
Sin. suieman
-
s.f.
toc di tiessût di pôc valôr o in brutis cundizions:
e veve viodût di brut voli chê tavaie su la balaustre pe comunion gjenerâl, mâl sopressade, contose, spergotade di cere, maglade di rusin, cul merlo a sbrendul. No veve ricevût vulintîr il Signôr su chê canavace (Pieri Menis, I sioperos dal muini)
Sin. peçot