côç
côç
[CO]
-
s.m.
ortaie cu la polpe zale e farinose, dolce, che e je la pome de Cucurbita maxima o di altris plantis dal gjenar Cucurbita:
cualchi cjosse di golôs, / come un râf, ne verze, un brocul, / un grampin di erbute frescje, / o, se al è, tant ben, un côç (Enrica Cragnolini, Inte stale);
cualchi volte, bigne ancje robâ, anzit cjoli, che chel nol è robâ, cualchi côç di fûr vie (Roberto Ongaro, Cretevierte)
Sin. coce
, çucje
Var. cogoç
-
adi., s.m.
che, cui che al è cence cjavei:
tu mi deventis vecjo / tu sês za côç e grîs (Zaneto, Il rafredôr di Zaneto)
Sin. coçon
, calf
, crop
, spelât
-
ancje di une bestie, di une plante o di un lûc, che nol à pêl, fueis, plantis e v.i.:
si viodeve ancje di lontan chel çuf di lens, come in cunvigne sul colm de alture coce (Maria Forte, Cjase di Dalban)
-
adi.
di cdn., indurmidît dal dut, che al duar cence che al sedi facil sveâlu:
Toio al tornave indaûr, si imbusave a scûr te sô cjamare, butantsi vistît sul jet, e restant li, côç tant che un pesenâl (Alan Brusini, Il mâl dal tor)
-
dal durmî, une vore profont o pesant, di mût che no si sveisi cun facilitât:
te gnot o vin un siun tant côç di no visâsi dal burlaç che nus slavine intor (Alan Brusini, 1943 Conte di naie e di vuere alpine)