Dizionari de Lenghe Furlane

bundì  bun|dì  [FO]

1. inter., s.m. salût o auguri che si dopre di buinore fin misdì:  bundì, chei siôrs, vêso durmît pulît? (Franca Mainardis, Aiar di cjase); bundì, siôr nodâr, cemût staial? (Pieri Piçul, Vieri e gnûf); bundì, bon an, mi daiso la buine man? (Pieri Menis, I siops); un gjal lontan al veve chichiricât a lunc come un bundì (Dino Virgili, La aghe da pît la cleve); nol fevelave cun nissun, nancje il bundì, che intun paîs al è il plui grâf dai pecjâts mortâi, che no 'nd è infier che al sbrovi avonde par un zigainar che nol salude (Antescûr, L'om misteriôs)
   Sin. mandi , salût² iper.
   Var. bon dì , bondì

Proverbis:

• da la albe si da il bundì
• si da il bundì e il bon an daûr de persone