salût2
sa|lût
[FO]
-
s.m.
peraule o mot, spec. strenzi la man, abraçâ, bussâ e v.i., cuant che si intive o si lasse cdn., par pandi amicizie, afiet, rispiet o simpatie:
Buinis fiestis! bon principi! bon an! ogni ben! Dut un incrosâsi di salûts e di auguris (Riedo Pup, Bastarès fâ Nadâl dut l'an);
il salût de Leni al fo plui tai voi lustris, che te strente de man (Maria Forte, La tiere di Lansing);
al le vie racomandant di puartâ i siei salûts a Luziute (Roberto Ongaro, Il muc);
e vô stele tramontane, / se savessis fevelâ, / un salût a di chê frute / jo par vô vorès mandâ (Popolâr, Montagnutis ribassaitsi)
-
s.m.
(fig.)
visite une vore svelte:
dispès o dismontavi a Udin, par un salût a cjase di Sandri (Gianni Gregoricchio, Trê feminis)
-
s.m.
[TS]
milit.
mot di dovê e di onôr che i subordenâts a scuegnin dimostrâ e fâ tai confronts dai superiôrs di grât o des autoritâts:
ducj di bot si alcin in pîts e, dopo il salût al Duce cuntun alalà che al rimbombave fra lis parêts de sale, si è viert il spinel dai discors e des cjacaris (Pieri Somede dai Marcs, La veretât e va ben simpri dite)
-
s.m.
[TS]
sport
mot che i aversaris di tancj sports a àn di fâsi prin di scomençâ e ae fin dal incuintri tant che promesse di lealtât sportive
-
s.m.
messaç o discors curt che une autoritât e fâs in cerimoniis uficiâls, riunions e v.i.:
[il congrès] si vierzarà cuntun benvignût di bande dal "Coretto Alpini e Amici" e cu lis musichis di Paolo Forte e subit dopo cui salûts des autoritâts (Redazion La Patrie dal Friûl, Cunvigne numar 90 pe Societât Filologjiche Furlane)
Polirematichis e espressions idiomatichis
Proverbis:
- bisugne fâ il salût seont il cjapiel
- saludâ e je cortesie, rispuindi al salût al è un dovê