bulide
/-ì-/
bu|li|de
[CO]
-
s.f.
azion di cuei te aghe che e bol
Sin. sboentade
Var. bolide
Cfr. cuete1
-
s.f.
preparazion che e derive dal cuei alc in aghe di bol:
cence fevelâ de aghe di malvis, de bulide di grame, dal te di salvie, di camamile o di saût, dal sirop di urtiis (Riedo Pup, I furlans e lis medisinis)
-
[TS]
artes.
sostance fate di fueis di vît o altris robis bulidis e tratament che si fâs cun chê sostance in caratei, botis e v.i., par netâ, comedâ e sglonfâ lis dovis e par gjavâ bruts odôrs:
a chê bote che e sa di secjin bisugne fâi prime la bulide e po mostâle (Giulio Andrea Pirona, Ercole Carletti, Giovanni Battista Corgnali, Il Nuovo Pirona);
prime di meti il vin, Cheoo ti prei, / tache il nâs sul cjalcon dai caratei; / fâs la bulide, se tu âs voie che san / el vin al si conservi par dut l'an (Anonim, Il Strolic furlan pal 1942)
Sin. bulidure
-
s.f.
vin cuet cun droghis e bevût cjalt:
l'amì al met sù une pignate par fâmi la bulide: al met el vin, canele e âtris droghis (Luigi Ciceri, La bulide);
prin di lâ a messe, a fasevin la bulide pai grancj e a nô nus davin une sedon di chest vin brulè e nô no volevin parcè che e jere robe fuarte (Marta Vezzi, Il Nadâl di îr tes peraulis di Gjeme, par rifleti su chel di cumò)
Sin. vin cuinçât
Cfr. sufrit
-
s.f.
sorte di pape di farine cuete ta la aghe di bol:
a un bot al dîs che i baste, pe bocjade, / un plat o di bulide o di panade (Meni Ucel, Temperanza);
a davin dongje la bocjade ognun par so cont. […] Ognun al faseve il so frico, la sô bulide, la meste (Meni Ucel, I Catanas)