buere
/-èr-/
bue|re
[AF]
-
s.f.
aiar che al tire di Nordest:
une nêf sute, farinose e veve scomençât a colâ, fisse fisse, mulinade, sburtade dal tramontan e de buere che e scombatevin tra lôr (Pieri Somede dai Marcs, Nardon e Vigjute di Nani);
Zenâr e Fevrâr a messedavin pulvin di nêf puartât ator dal aiar che a mê mari i ricuardave la buere di Cividât (Alan Brusini, Come tai romançs)
Cfr. aiar1
, vint
-
s.f.
direzion, posizion o esposizion a Nordest:
a sielzevin cun impegn il cjantonut plui adat pal camarin, a tramontan o a buere (Riedo Pup, I furlans e il camarin)
-
s.f.
(estens.)
aiar in gjenerâl, di cualsisei direzion, in particolâr, ancje se no dome, cuant che al è fuart e frêt:
al è colât il punt sot la mê vila, tuna zornada di soreli net, cu la buera che a bateva a fuart la valada e a ingrispava la aga muarta (Novella Cantarutti, Il punt);
se si bute un clap, si lu viôt a disbassâsi planchin, come une fuee che si distachi dal ramaç cuant che nol sofle un sgrisul di buere (Dino Virgili, Un riul tra Venit e Friûl)
Sin. aiar1
, vint
-
s.f.
(fig.)
cors gjenerâl dai events, tindince gjenerâl o element che al à une fuarte influence:
il partît, niçulantsi di ca e di là, si è butât de nestre bande nome parcè che al si è inacuart che la base eletorâl si pleave daûr di cheste buere (Josef Marchet, Di bessôi);
[cuant che a jerin rivâts i fassiscj] cualchidun al veve scugnût molâ i cordons de borse, cualchidun altri al veve bevude la purghe, par vie che nol veve capît ce buere che e soflave (Pieri Menis, Il «comandatôr»)
Polirematichis e espressions idiomatichis
Proverbis:
- cuant che la buere si mûf, o un o cinc o nûf
- siroc e tramontan a menin vin e pan, buere e garbin a cjolin pan e vin