Dizionari de Lenghe Furlane

brute  bru|te  [CO]

1. adi. viôt brut
2. s.f. femine di aspiet che nol plâs:  [il princip] al dismonte e al va a viodi, e al cjate la sô biele dute nude tal forment. Al clame la brute, la disvistìs e al vistìs la sô; po al met chê altre a parâ passaris tal forment (Andreina Nicoloso Ciceri, La fie e la fiastre - Racconti popolari friulani I)
3. s.f. scrit o dissen preparatori, cun ducj i mudaments e lis mendis che a son stâts fats intant che si preparave, che al à ancjemò di cjapâ la forme definitive e nete, che e sarà la biele
   Sin. sporc
   Cfr. stampon

Proverbis:

• e je brute la miserie, e je piês la bondance
• intant che la biele si cjale tal spieli, la brute si maride
• la robe e maride la brute