bree
/brè-/
bre|e
[FO]
-
s.f.
toc di len plac, lunc e di pôc spessôr:
une casope di len cul tet di breis e cjarte catramade (Roberto Ongaro, Il muc);
cuatri breis che, di chi a cualchi mês, a saran bielzà dutis imberladis e scridelidis (Josef Marchet, Lis predicjis dal muini);
tal camarin al contave lis piecis di formadi su la bree e i salams tes stangjis (Dino Virgili, La massarie)
-
tal sing. ancje cun valôr di coletîf o par segnâ la tipologjie di materiâl:
cjaminâ sui solârs di bree lustrâts (Dino Virgili, La aghe da pît la cleve)
Cfr. bream
-
s.f.
[CO, TS]
edil., marang.
toc di len di costruzion grues une once, vâl a dî sui 25 mm
Cfr. scuretine
, scurete
, taulete
, breoncin
, breon
, puint
, palancule
, palancolon
, as2
-
s.f.
forme di len doprade in cusine par poiâ la robe di taiâ:
a strucjavin la polente su la bree taronde (Anita Brach, La cusine)
Sin. taulîr
, taîr
, bree de polente
-
s.f.
plan di len doprât in cusine par impastâ, tirâ la paste, metile a suiâ e v.i.:
meti la farine suntune bree e fâ une buse tal mieç. Zontâ i ûfs, il zucar, la spongje (Daria Miani, Il libri di Maman 1)
Sin. bree des pastis
, bree dai taiadeis
-
s.f.
plan di len, che di fat e pues jessi ancje une taule, li che si meti il puricit par copâlu e fâ dut ce che al covente par purcitâ:
i fruts a judin il purcitâr: a cjapin il nemâl, lu tirin fûr dal cjôt cun gracie, po lu pognin su la bree, dopo di vêi peât il music cuntun sagulin (Josef Cjargnel, I maçarots di Trep)
-
s.f.
toc di len plan li che il pitôr al messede i colôrs par fâ l'at just:
al tignive la bree cui colôrs te diestre e il pinel te çampe (Roberto Ongaro, Cretevierte)
Sin. palete
-
s.f.
[TS]
tecn., agr.
viôt bree de vuarzine
-
s.f.
viôt bree di lavâ
:
une podine cu la sô bree e, dongje, un, zei di robe za lavade (Anute Fabris, A passe la scalmane)
-
s.f.
(fig., pop., ancje spres.)
femine cun pocjis formis, soredut cun pôc pet:
ducj i guscj a son guscj: par me e je une bree, ma a lui i plâs…
Polirematichis e espressions idiomatichis
Proverbis:
- Sant Andree, il purcit su la bree
- une bree che no ten claut e je dome di brusâ