palete
/-lè-/
pa|le|te
[CO]
-
s.f.
piçule pale:
la int e veve za scomençât a fâ ordin e a netâ, cence pierdi timp, cun palis, paletis, scovis, cariolis, seglots di bande o di plastiche (Carlo Sgorlon, Ombris tal infinît)
-
cualsisei imprest che al coventi a cjapâ sù materiâl e che al vedi la forme che e pues ricuardâ in piçul chê di une pale:
"Trops fîs vêso? …" 'i domanda, ne volte, mê none saltade fûr dal fogolâr cu la palete de farine (Rinaldo Vidoni, Cuant che la bestie e tente…)
-
s.f.
imprest di cusine o possade largje e plane, doprade par tirâ sù, zirâ, servî e v.i. il mangjâ cence che si rompi
Cfr. spatule
-
s.f.
imprest cuntun mani e cuntun disc colorât insom doprât di poliziots, carabinîrs, ferovîrs e v.i. par fâ segnâi:
un poliziot ben furnît: stivâi, barete, palete alçade (Giovanni Urban, Mandi)
-
s.f.
[TS]
sport
imprest cuntun mani e cuntune superficie largje e plane insom par zuiâ di tenis di taule
Sin. rachete
-
imprest simil, ma cul mani lunc e la superficie plui grande e formade di une rêt, par zuiâ di tenis o di volan o sim.
-
s.f.
[TS]
anat.
ognidun dai doi vues placs sot des spalis:
i siei vues che si tache a viodiju clârs e tonts, cu lis paletis infûr (Ivano Urli, Storie di Vera)
Sin. scjale2
-
s.f.
toc plan di len o di altri materiâl li che i pitôrs a messedin i colôrs:
"Lis mês alis [di pavee] a deventaran pinel e palete di pitôr par fâ in mût che ancje la int e puedi gjoldi dai dons de nature!" (Franca Mainardis, Un bosc cence colôrs)
Sin. bree
-
complès, schirie di colôrs doprâts di un ciert artist, artesan o tune cierte linie di mode e v.i.:
[Filipponi] al esagjere i trats somatics […] cuntune materie pitoriche penze e ruspie, cuntune palete di colôrs infogâts e scûrs (Bepi Agostinis, Storie de art in Friûl)
-
s.f.
[TS]
mus.
tai struments a cuarde, estremitât dal mani li che a son lis clâfs
