binte bin|te [CO, TS]
-
s.f.
mec.
imprest mecanic avonde piçul, doprât par tirâ sù cjamis zirant il mecanisim che al trasforme il moviment rotatori, fat cuntune jeve favorevule, in fuarce verticâl:
une binte par jevâ sù il cjar di une bande, e podê comedâ e onzi lis ruedis (Nin dai Nadâi, Robe par cjanton)
Sin. cric
Var. binde2 , pinte2- dispès in espressions iperb., par dî di alc che al fâs une fuarce une vore grande: jo di ca no mi môf nancje cu la binte (Alan Brusini, Un dai pôcs)
