bati lis mans
[AF]
-
loc.v.
bati une man cuintri di chê altre par fâ un sunsûr tipic, soredut par pandi agradiment, laude, soredut di bande dal public, o ancje par altris resons e in altris situazions:
dome Carmine e il speziâr a disevin di sì che al veve reson il Sindic, e a batevin lis mans: po si cjalarin ator e in muse: a fermarin di bati lis mans di bessôi (Dino Virgili, La aghe da pît la cleve);
il pianist alt, sec, la muse spiçade, in pîts cuntune man poiade tal piano, al cjalave e ogni tant al si pleave a fâ l'inchin par ringraziâ la int che e bateve lis mans (Jolanda Mazzon, Fûr di timp);
la matine e sveave il dormitori batint lis mans e berghelant: «Signorine, auf che al è morghen!» (Alan Brusini, Come tai romançs);
Nadia e balà intor dal fûc cui cjavei slicâts e chei altris le compagnavin cu la armoniche e batint lis mans (Dino Virgili, La strade come un destin)
Components:
Proverbis:
- cuntune man sole no si rive nancje a bati lis mans