bastardâ
bas|tar|dâ
[CO]
-
v.tr.
fâ che une gnove gjenerazion no sedi plui di raze pure:
chê raza famosa di cjavai furlans, i cuâi nel 1580 jan bastardâts cul pustribul di Lipiza (Federigo Comelli, Il me paîs);
"[…] dute int foreste che il folc la trai, che e à lassât il segno des talpis dai lôr marochins, indians, zelandês sfotant par amôr o par fuarce lis nestris feminis, ruvinant lis nestris fantatis, bastardant la nestre raze…" (Pieri Somede dai Marcs, Un pugn di moscjis)
-
v.tr.
messedâ cun elements diferents:
ognidun che al vebi il ghiti di mostrâsi un scjalin plui alt dal contadin, al spessee a pestâ par talian o par venit a sun di strambolots, strapaçant e bastardant in maniere ridicule tant il furlan che il talian (Josef Marchet, Sudizion, la pecje dai furlans)
Sin. miscliçâ
, messedâ
, misturâ
-
v.intr.
compuartâsi come un fi bastart o in mût diferent di ce che si spietaressisi judicant de sô divignince:
Guri, al jere il prin fi; Guri, al veve il dirit antîc dai Batistons di ogni ete di lavorâ la campagne, di restâ sul lûc vieri dai Clevis, di jemplâ di fruts gnûfs la cjase domenicâl… E invezit al bastardave… (Dino Virgili, La aghe da pît la cleve)