basalisc
/-ìsc/
ba|sa|lisc
[CO, TS]
-
s.m.
mitol., trad.pop.
bestie imagjinarie, in gjenar mieç gjal e mieç sarpint o cun forme di retil o in part di retil, che e pues copâ dome cu la cjalade:
a disevin ancje che a ‘nd erin di chei [madracs] che a svualavin. Al ere il basalisc. […] Al veve voreles e voi grancj e, dulà che al ere, al puçave dut di solfar. Mê none a diseve che al ere il basalisc. Il basalisc al veve la creste come un gjal (Popolâr, Linda Picco, Norma Colomba - Istitût di Ricercje Achil Telin, Il basalisc a Bordan - Friûl des culinis III)
Var. basilisc
, badalisc
-
s.m.
(ancje fig.)
in metaforis o paragons, par dî di cui che si rabie une vore:
"Ce âstu dit? Jo no rinei nuie!" al sberle Sant Pieri, deventât intun lamp un basalisc. "Vami fûr dai voi, e impare a tignî la lenghe a cjase" (Luigi Gortani, Meni Fari);
"Sint po Lolute: fasimi ne gracie, disii a chel basalisc li che a cjapi esempli sun te…" (Anute Fabris, Par lui, par lui!)
Cfr. lipare
, madrac