lipare
/lì-/
li|pa|re
[CO, TS]
-
s.f.
zool.com.
non gjeneric di sarpints velenôs, caraterizâts di cjâf triangolâr e code curte, de famee dai Viperidis, in particolâr de specie Vipera aspis:
Mariane e sbachetave di ca e di là, te jarbe alte, par spaurî lis liparis (Gianni Gregoricchio, Îr e doman)
Var. vipare
-
s.f.
(fig., spres.)
persone triste, soredut femine, che e fâs dal mâl o soredut che e fevele mâl:
el Sbrugnere si sintive un fregul plui in stangje e se ben che al ves la anime nere par vie des peraulis di chê lipare di Felicite (Arturo Feruglio, La manie)
Sin. jene
Polirematichis e espressions idiomatichis
Proverbis:
- la lipare e à becât il çarlatan