bare
ba|re
[CO]
-
s.f.
casse dulà che si met un muart:
la procission si invie, / e fra il splendôr de cere, / e si avanze la bare / che puarte il cuarp del om, agnul in tiare (Pieri Çorut, In muart di Mons. Tomadin);
il cjar di muart che al vignive sù dal ospedâl di Udin si è fermât denant dal cimitieri di Riçûl, a àn cjariât la bare dal fi vicin di chê de mari e po dopo ju àn sepulîts inte stesse buse (Cristina Noacco, Faliscjis)
Sin. casse
-
s.f.
sorte di cjar cun dôs ruedis, par puartâ materiâl:
i Bas a vevin za il cjar dai bûs, il caret vecjo e la bare, che il nono Zuantoni e un so barbe Bidin a fasevin i cjaradôrs inmò sot i Antonins, ai timps di Napoleon (Dino Virgili, Il cjaruç dai Bas);
«Un vin che al cjante di bessôl… Al ven di jù pe Plâf… Nus puartin la uve cu lis baris che a cjaminin di gnot» «Bon, bon! Un vin che al à grinte, che si tache ben!» (Maria Forte, La tiere di Lansing)
Cfr. barele
-
cuantitât di robe puartade cun chel cjar:
une bare di piere, di glerie, di savalon (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. barelade