avemarie
/-ì-/
a|ve|ma|ri|e
[AF]
-
s.f.
ancje cun iniz. maiusc., preiere ae Madone:
un cercandul, vieli e peçotôs, cui voi bas e cun tante di corone in man al steve li impostât, e plen di devozion al tirave jù paternostris e avemariis (Catarine Percude, Il voli di chest mont);
ogni sere, invezit, al radunave i fîs e al tignive sù il rosari. Dîs avemariis, po il gloria (Riedo Pup, I furlans e il cjistiel)
Var. Ave Marie
-
s.f.
ancje cun iniz. maiusc., sun des cjampanis che al anunzie chê preiere, di matine e soredut di sere:
al vignive sù Zuan Tove, il vecjo muini. Al scomençave a dâ la Avemarie de buinore e po dutis lis sunadis de zornade (Maria Forte, La rive di Sant Pieri);
la cjampane grande dal tor, sù in alt, e sunave la avemarie e une vongule di pâs e involuçave i mûrs de canoniche, tal scurut de sere (Pieri Somede dai Marcs, Ta la ombrene de canoniche)
Var. aimarie
, Ave Marie
-
ore de albe o dal tramont, cuant che lis cjampanis a sunin par chê preiere:
o lavin a durmî subit dopo la avemarie e o jevavin cul soreli (Pieri Piçul, Vieri e gnûf);
di buinore, dopo la Avemarie, che lis striis se vevin tovade, o vevis nome di viodi ce spetacul: lis monts a venti che a sglinghinavin di mil colôrs (Josef Cjargnel, Lis striis de Cjargne)
-
s.f.
[TS]
entom.com.
viôt mariutine
Proverbis:
- a la avemarie, a cjase la baronie
- a scovâ daspò da la avemarie, si scove la fortune di cjase
- daspò da la avemarie a zirin lis putanis
- la avemarie sunade, la fantate sierade