assalt
/-àlt/
a|ssalt
[AF]
-
s.m.
azion militâr ofensive, violente e cuintri di un obietîf specific:
ai 30 di Lui dal 1509 i contadins a dan l'assalt al cjistiel di Sterp e a fasin presonîr Nicolò di Colorêt e i siei oms (Carli Pup, Il Friûl de Joibe Grasse dal 1511);
di ducj i afârs di chê vuere, batostis dadis e cjapadis, assalts ae baionete, desert e soreli, al fevelave tant che se a fossin afârs siei (Alan Brusini, Par stradis lungjis)
Sin. atac
-
s.m.
(fig.)
azion fuarte di pression di cualsisei sorte, par es. psicologjiche, culturâl, sociâl, economiche, sportive, fisiche e v.i.:
par Catine e fo une ete di sturniment. Dut i jere colât intor al improvîs. L'assalt di Mafalde, di sô mari, di Gjeme e dal vieli Bastian parcè che si maridàs (Gianni Gregoricchio, Trê feminis);
il so cuarp che si môf disvoiât tai linzûi, dopo tante passion di assalts e polsis, invezit di dâmi la pâs, mi impie parentri il torment di un possès provisori e no definitîf (Alan Brusini, Gian Paolo Linda, I forescj);
no si po pretindi che une culture antighe semplice e umane e resisti cuintri l'assalt rivoluzionari di une mentalitât clamade cun tante braùre moderne (Riedo Pup, Furlans: alt, no cussì!)
Sin. atac
-
s.m.
manifestazion fisiologjiche o psicologjiche imburide e violente:
ogni tant e à cualchi assalt di cûr che le bute jù (Pieri Somede dai Marcs, Vilie di Nadâl (teatri));
espiâ la colpe di vê maçât femine e fîs intun assalt di colure (Adrian Cescje, Viaç aes origjins dal Logos)
Sin. atac
, sbroc