arâ
a|râ
[AF]
-
v.tr.
(ancje ass.)
lavorâ la tiere cu la vuarzine, movintle e fasint agârs e cumieris:
doman soi libar, o vignarai cui bûs a judâus a arâ il cjamp dai Vieris par meti forment (Pieri Somede dai Marcs, Vilie di Nadâl (teatri));
al jere a arâ cu la pline tai Novalêts (Dino Virgili, La aghe da pît la cleve)
Cfr. disarâ
, rotizâ
, rompi
, agâr
, cumiere
, vuarzine
-
v.tr.
(fig.)
lassâ segns luncs e fonts:
lis grispis i vevin arade la muse e cetantis lagrimis che a vevin supadis (Pieri Menis, Sul agâr)
Proverbis:
- cuant che tu âs di arâ no sta imprestâ la vuarzine
- cui che al à buine voie di lavorâ, al è plui siôr di cui che al à sîs cjamps di arâ
- par vê biele la blave bisugne arâ di bessôi
- Sant Gregori pape la cisile a passe la aghe, passâ o no passâ e je ore di arâ