apuestul
/-è-/
a|pues|tul
[AF]
-
s.m.
ognidun dai dodis dissepui che a jerin plui dongje di Jesù Crist:
se il grop dai dodis apuestui al jere za selezionât rispiet ai setantedoi dissepui, Jesù al fâs une selezion te selezion e int sielç trê che a son presints tai moments plui impuartants de sô vite e mission. I trê a son Pieri, Jacum e Zuan (Antoni Beline, Sant Jacum, là che al finìs il mont)
-
ancje in riferiment a sant Pauli, cundut che nol jere stât dai dodis:
Pauli apuestul tal prin secul al à dite chestis peraulis, che nus fasin tant ben, almancul a mi a fasin tant ben: la fede e libere di dut! (Francesc Placerean, Crodi e mût di crodi)
-
s.m.
(fig.)
cui che si dediche cun passion a pandi une dotrine, une idee, une fede e v.i.:
In cheste ativitât di apuestul e insegnant esperantist al cognossarà situazions, tant che chê catalane, là che l'esperanto al ven considerât […] come imprest bon par fermâ l'imperialisim linguistic dal castilian (Donato Toffoli, Il lunari mai jessût - Tellini te prime vuere mondiâl);
par vuarî il cerviel dai apuestui de «grande Italie imperiâl» (cu la Dalmazie e dutis lis Coloniis!) al vûl alc altri (Josef Marchet, Pronostics)
Sin. campion
, paladin
, partesan
, partidant