partesan
/-àn/
par|te|san
[AF]
-
adi., s.m.
che, cui che al sosten o ancje al lote a pro di une part, di un partît, di une idee e v.i.:
i plaseve motivâ des impresis dai siei basavons liberâi e partesans di Mazzini (Carlo Sgorlon, Il dolfin)
Var. partisan
-
che, cui tai siei judizis al ten par une part, cence cjalâ lis resons obietivis:
politiche tratade in maniere superficiâl e partesane (Dree Venier, Une pagjine goliardiche, ma che covente par pandi alc di plui seri)
Sin. parziâl
, setari
, faziôs
-
adi., s.m.
che, cui che al fâs o al poie azions militârs di resistence di trupis calcoladis iregolârs intun teritori ocupât:
di gnot, i partesans a lavin a cjatâ i fassiscj in cjase par fâur paiâ lis lôr malefatis (Roberto Ongaro, Il muc);
ai dîs de ultime vuere, cun fassiscj, todescs, cosacs, partesans (Laurin Zuan Nardin, Aio di dîle, aio di contâle?)
Sin. vuerilîr
Var. partigjan
-
di conflit, tatiche o sim., caraterizât di azions di resistence de popolazion e di trupis calcoladis iregolârs intun teritori ocupât:
la filosofie militâr di Cavedalis e jere cheste: pontâ su la difese, spietâ che a intervignissin i aleâts romans e napoletans e intant disturbâ il nemì cun cualchi azion ofensive, ancje di caratar partesan (Giovanni Pillinini, Zuan Batiste Cavedalis - Une vite esemplâr)