anzit
/àn-/
an|zit
[FO]
-
av., coniun.
par introdusi une afermazion contrarie, une oposizion o un mudament di argoment:
Checo nol veve piardude la sô vôs fuarte, di baritono. Anzit la etât je veve rinfuarçade (Gianni Gregoricchio, Îr e doman);
"No son afârs par vualtris feminis, chei chi. Anzit vualtris o fasaressis miôr a siarâsi in cjase" (Alviero Negro, La cjase)
Sin. al contrari
, che anzit
, ma ben
Var. anzi
-
ancje cun valôr elitic:
"[…] jo o ai crodût di fâ ben a vignî diret a visâus a cuatri voi par che o viodês di bessôl ce che o intindês di fâ. Aio fat mâl, segretari? " "No, no, anzit! […]" (Roberto Ongaro, Il muc)
Sin. nancje par insium
, nancje par idee
, lafè no
, no lafè
, dabon no
, no ve
, po no
, po no no
, po no ve
, figurìnsi
, figurâsi
, tu pûs crodi
, al contrari
-
av., coniun.
par introdusi une precisazion o une corezion:
al pensave che al veve di sei stât un timp, anzit une ocasion precise che al veve finît di dîsi di bessôl: «Cuant che o sarai grant…» (Nadia Pauluzzo, Il bintar);
Saveri al tacà a cirì sui libris che al veve a puartade di man i tescj des letaris dal Mazzini. Al tacà cun chê indreçade al dotôr Antonio Andreuzzi di Sant Denêl, anzit di Navarons, inspiradôr de insurezion dal 1864 (Franco Marchetta, Il numar 1089)
-
par introdusi une espression plui cjalcjade o plui enfatiche a pet di ce che si à dite prime:
di ce vignivie cheste sô passion, anzit cheste sô smanie pai autoscontros? (Gianni Gregoricchio, Lilie)