anade
/-à-/
a|na|de
[AF]
-
s.f.
durade di un an, dade di timp lungje dodis mês, in particolâr dal prin di Zenâr al ultin di Dicembar:
la anade e je lade a mont cence nissun cuarantevot, almancul par noaltris (Josef Marchet, Preambul rusin)
Sin. an
-
complès de produzion, dai risultâts, dai acjadiments e v.i. di un an di ativitât:
no mancjavin soredut i capuçats che si scambiavin lis impressions de anade [di lavôr su la fornâs] (Pieri Menis, Une letare par Bepo);
a jerin tristis anadis chês, sot dal otante: miserie che alçave di pês, i cavalîrs dispès butâts tal mussulin, tassis fin avuâl dai voi, disfortunis di ogni fate (Dino Virgili, La aghe da pît la cleve);
lis vîts dutis a raps e i pomârs cjamâts a fasevin anade buine (Maria Forte, La tiere di Lansing)
Cfr. stagjon
-
complès dai numars di un periodic di un an:
o vin digjitalizât dutis lis anadis dai plui vieris periodics dal Votcent e dal prin Nûfcent (Walter Tomada, Trop furlan te Joppi?)
Proverbis:
- anade di jerbe, anade di mierde
- anade di nolis, anade di panolis
- malatiis di fruts, anade di bondance