ampli1
am|pli
[CO]
-
adi.
che al à une cierte estension o une grande estension:
la muraie di confin, vanzum scridelît di un ampli ambient dulà che une volte si ingrumavin lis blavis (Franco Marchetta, Madalene)
Sin. grant
, slargjât
, larc
-
(fig.)
grant, larc no dome intal spazi, ma ancje a nivel concetuâl, di competence, di impuartance, intensitât e v.i.:
la provincie di Udin, li che al è S. Vît, e je zone di vuere, e duncje la censure e i podês dal Comant dal esercit a son plui amplis (Donato Toffoli, Il lunari mai jessût - Tellini te prime vuere mondiâl);
l'ampli jemplâsi dal cûr / si incolme intes domandis rudis: / fin dulà la gnot, trop inmens il mâr? (Agnul di Spere, Domandis rudis)