aministratîf
a|mi|nis|tra|tîf
[FO]
-
adi.
relatîf ae aministrazion publiche o privade:
la societât medievâl e je caraterizade de mancjance di un podê politic e aministratîf centralizât (Fabian Ros, La invenzion dal stât);
chê autonomie [dal OLF] e jere stade cjalade di brut dai uficis aministratîfs de Regjon (Adrian Cescje, Memoriis di politiche linguistiche)
Sin. gjestionâl
, burocratic
Var. ministratîf
-
adi., s.m.
che, cui che al lavore te aministrazion:
propuestis operativis, che a rivuardin la formazion dal personâl aministratîf, tecnic e sanitari (Marc Stolf, Masse planc e cence plans. L'ûs public de lenghe furlane)
-
adi.
che al tocje lis Regjons, lis Provinciis, i Comuns:
la lote si scomençarà cu lis prossimis elezions aministrativis, e il cjamp al scugnarà dividisi in dôs parts: di une bande chei che son par il dispiardiment de nestre raze e che ritegnin che i Furlans e devin sei in eterno dai interdets o sot tutele; di chê altre i vêrs patriots (Achil Telin, La Patrie Ladine, I, 2);
un fregul di decentrament aministratîf tant par salvâ la muse dopo tantis promessis (Josef Marchet, La gnespule malmadure)
Sin. locâl