agjenzie
/-zì-/
a|gjen|zi|e
[AF]
-
s.f.
imprese che e ufrìs servizis a tierçs:
si à di invidâ lis agjenziis di publicitât a proponi ai lôr clients la presince de lenghe furlane intai messaçs publicitaris (Adrian Cescje, Memoriis di politiche linguistiche);
il turisim nol è un fat esclusîf dai gjestôrs di albiercs e des agjenziis di viaç (Attilio Celant, Il rûl economic dal turisim in Italie)
Sin. imprese
-
imprese intermediarie:
la societât che nus al veve vendût [il fabricât] e jere une agjenzie imobiliâr stimade in dute la citât (Checo Tam, X-Reihen)
-
sede di chê imprese:
al jentre intune agjenzie di viaçs e, par contentâle ancjemò une volte, i compre il biliet par Murmansk (Pauli Jacuz, Maruska)
-
s.f.
ufici che al puarte indenant une ativitât intune cierte zone par cont di une imprese cun competencis teritoriâls plui largjis:
cemût paiâ: bonific bancjari te Bancje di Cividât SCPA - Agjenzie 5 di 33100 Udin […] (Redazion SFF, www.filologicafriulana.it)
Cfr. ufici
, sede2
-
s.f.
aministrazion centrâl cuntune finalitât specifiche, soredut di organisims publics, locâi, statâi o internazionâi, ancje cun iniz. maiusc. in denominazions uficiâls:
iniziativis inmaneadis de ARLeF - Agjenzie Regjonâl pe Lenghe Furlane (Rosalba Perini, Suns e musichis des minorancis in cunvigne);
une superagjenzie che à metût adun la ex Agjenzie regjonâl Promotur (ancje ex Promotur spa) e la ex Agjenzie regjonâl dal Turisim (Fulvio Mattioni, Il futûr dal Friûl: laude ae "no sotan" economy);
il Consei [ economic e sociâl des Nazions unidis] al à il compit di coordenâ l'ativitât economiche, sientifiche e sociâl di 14 agjenziis specializadis dal "Onu", di 10 Comissions internazionâls e di 5 Comissions regjonâls (Redazion www.friul.net, L'ISIG consulent dal ONU)
