abandon
/-òn/
a|ban|don
[AF]
-
s.m.
il lassâ o il jessi lassât:
lis robis no van simpri cussì [ben intes fameis] e si sint a dî di maltrataments e di abandons (AAVV, Sul florî)
Var. bandon2
-
il vê pocje int o nissun:
no vi dirai del abandon di chei lûcs, separâts da la tiara e dal consorzi dei umin (Federigo Comelli, Il me paîs)
-
il dismeti o il jessi dismetût:
chest al è il risultât de politiche linguistiche dal Stât talian in pro dal abandon des lenghis locâls (Xavier Lamuela, Une riflession su lis politichis linguistichis)
-
s.m.
rilassament, mancjance di tension dal cuarp:
e tire un caregon dongje il fogolâr, po si bute jù sfinide, e gucje un pôc, po e poie il cjâf sul schenâl cuasi in abandon (Pieri Somede dai Marcs, Vilie di Nadâl (teatri));
no une bussade… nancje un non, / nancje une lagrime. / I siei braçuts in abandon, / il vaî indeul si stude (Mario Milanese, Bandonade)
-
mancjance di tension e resistence ancje psicologjiche:
om sul confin, cjarinât / de aghe corint / tal sbrissâ intun abandon / e scrotâmi intun ultin svol / vagabont … (Fabian Riz, Om sul confin)
-
s.m.
mancjance di fiducie, di sperance:
i bancs, i paramints, li vuoltis dei altârs e infin i flours a parevin come velâts da una malincunia. Ancja i Sants a vevin una espression de indiferensia e de abandon (Renato Appi, La suplica)
Sin. avilizion
, disconfuart
, disperazion
, sfiducie
-
s.m.
cundizion di degrât:
chê maluserie di citât e chel abandon di perifarie si sfantin cumò tune gjonde serene, tune purece rampide, tun slusignâ di voi al cîl e al soreli di paîs! (Dino Virgili, La aghe da pît la cleve)
Sin. desolazion
, sdavassament
, sdavassarie
, trascuratece
-
s.m.
[TS]
sport
il molâ une competizion:
l'incuintri al è finît par abandon