abûs
ab|ûs
[AF]
-
s.m.
il doprâ, consumâ, fâ o ancje mangjâ o bevi e v.i. in maniere o misure no corete, esagjerade:
l'abûs [di alcul] al compuarte un aument de mortalitât par cardiomiopatie, aritmiis e pression alte (Mara Piccoli, L’alcul inteligjent);
no si pues lâ indevant a jemplâ di ciment e asfalt i nestris paîs sedi pal dissest idrogjeologjic che al derive di chest abûs […] (Walter Tomada, La Rêt come "gnove Vicinie")
Sin. ecès
, esagjerazion
-
s.m.
[TS]
dir.
sfrutament di un dirit o podê par interès personâl o di là dai limits de leç:
"Sì, ur ai scrits i ricors,… ma ricori cuintri i abûs nol è metisi cuintri lis leçs, anzit… o disarès che al è almancul tentâ di zovâ ae justizie…" (Alviero Negro, Int di masnade)
-
s.m.
ategjament arbitrari o prepotent, azion injuste:
"Sì, cumò vonde! Cumò vonde cun injustiziis, abûs e injustiziis! Vonde cun sorestants che a sfrutin e a vivacin mentri che la plui part de int no à nuie di ce vivi!" (Stiefin Morat, Microrivoluzions)
Sin. prepotence
, injustizie
-
s.m.
condote sessuâl che, ancje cence rivâ ae gravitât de violence, e va cuintri dai dirits di cdn.:
il scandul di abûs e di violence dentri de glesie (Janez Erat, Glesie austriache: al è stât un câl dal numar dai disbatiâts dopo un an di crisi)
Sin. abûs sessuâl
Proverbis:
- bisugne cjoli l'abûs e tornâ l'ûs
- cjoli l'abûs al è tornâ l'ûs